सबै ग्रहहरु मध्ये सबैभन्दा ठूलो र सबैभन्दा शुभ, देवगुरु बृहस्पति ग्रहले सेप्टेम्बर महिनाको १४ तारिखमा आफ्नो राशि परिवर्तन गर्दैछ। सेप्टेम्बर १४, २०२१ मा बृहस्पति ग्रह शनिदेवको राशि मकर राशिमा प्रवेश गर्नेछ। जहाँ यो २० नोभेम्बर २०२१ सम्म रहनेछ, त्यसपछि कुम्भ राशिमा प्रवेश गर्नेछ। सेप्टेम्बर १४ मा, जब बृहस्पति मकर राशिमा प्रवेश गर्छ, शनिदेवसँग यसको मिलन हुन्छ। बृहस्पतिलाई कर्कटमा उच्च मानिन्छ र मकर राशिमा नीच मानिन्छ। मकर राशिमा बृहस्पतिको गोचरको केहि राशिमा अत्यन्त शुभ प्रभाव पर्नेछ। जान्नुहोस् ती राशिका बारेमा….
मेष राशि
यस राशिको दशौ भावमा बृहस्पति गोचर हुनेछ। यो समयमा तपाईंको नाम तथा प्रसिद्धि बढ्नेछ। व्यापार व्यवसायका क्षेत्रमा रहेका मानिसको लागि त यो समय अत्यन्त शुभ साबित हुनेछ। कार्यक्षेत्रमा तपाईंको लागि समय शुभ नै रहनेछ। पदोन्नतीको सम्भावना रहेको छ। त्यस्तै, कार्यक्षेत्र परिवर्तन गर्न चाहनुहुन्छ भने पनि समय राम्रो रहेको छ।
वृष राशि
वृष राशिको नवौं भावमा बृहस्पतिको गोचर हुनेछ। भाग्य वृद्धिको योग रहेको छ। रोकिएका कार्यहरु सफलतापूर्वक सम्पन्न हुनेछ। रोजगारको खोजीमा रहेका मानिसको लागि पनि यो समय सफलता प्राप्त गर्ने किसिमको रहनेछ। आयका नयाँ स्रोत बढ्नेछन्। तपाईंको आर्थिक पक्ष मजबूत रहनेछ। प्रेम सम्बन्ध अझ बलियो हुनेछ। धार्मिक कार्यमा तपाईंको मन लाग्नेछ।
कर्कट राशि
यस राशिको सातौँ भावमा बृहस्पतिको गोचर हुनेछ। कार्यक्षेत्रमा तपाईंको प्रभाव बढ्नेछ। पदोन्नतीको योग पनि रहेको छ। व्यापारको क्षेत्रमा चल्दै आएको समस्या सकिनेछ। कारोबारको क्षेत्रमा बृहस्पति निकै लाभकारी साबित हुनेछ। नयाँ कार्य तथा व्यापार सुरु गर्न चाहने मानिसको लागि यो समय शुभ रहनेछ। कुनै पनि क्षेत्रमा निवेश गर्दा सोच विचार गरेर मात्र अगाडी बढ्नुहोला।
कन्या राशि
राशिको पाचौं भावमा गोचर हुने बृहस्पतिको प्रभावले कन्या राशिका मानिसलाई शुभ परिणाम दिनेछ। कार्यक्षेत्रमा तपाईंले गरेको काम वा निर्णयको सराहना गरिनेछ। व्यापार व्यवासयको क्षेत्रमा पनि तपाईं राम्रै सफलता प्राप्त गर्ने देखिन्छ। गरेको लगानीले राम्रो प्रतिफल दिने सम्भावना देखिन्छ। यात्रा गर्दा भने सावधान रहनुपर्नेछ।
मीन राशि
मीन राशिका मानिसको लागि बृहस्पतिको गोचर अत्यन्त लाभदायक साबित हुनेछ। आकस्मिक धन लाभ हुने प्रवल सम्भावना रहेको छ। कुनै ठूलो कार्य सुरु गर्न, नयाँ व्यापार सुरु गर्न वा कुनै ठूलो सम्झौतामा हस्ताक्षर गर्नको लागि यो समय अत्यन्त शुभ रहनेछ। विवाह सम्बन्धि वार्ता सफल हुनेछ। तपाईंको आर्थिक पक्ष मजबूत हुनेछ।
