आर्सनलका पूर्व खेलाडी रे पार्लरले लिभरपुल स्टार मोहम्मद सलाह प्रिमियर लिगको यस सिजनमा क्रिस्टियानो रोनाल्डो भन्दा महत्वपूर्ण हुन सक्ने विश्वास गरेका छन्।
टकस्पोर्टसँग कुरा गर्दै पार्लरले भने कि मोहम्मद सलाहको गोल गर्ने क्षमता क्रिस्टियानो रोनाल्डोको जस्तै राम्रो छ। लिभरपुलका स्टारले हालै आफ्नो १०० औं प्रिमियर लिग गोल पूरा गरेका छन्। लिभरपुल स्टारलाई रोनाल्डो भन्दा उत्कृष्ट भनिरहँदा ४८ वर्षीय पार्लरले ५ पटकका ब्यालुन डी ओर विजेता रोनाल्डोलाई उमेर अनुसार उनको क्षमतामा शंका गर्न नहुने उल्लेख गरे।
🧐 𝗔𝗻𝗱𝘆: “Who’s the better player right now, Ronaldo or Salah?”
🇪🇬 𝗥𝗮𝘆: “I’d go Salah. Over the course of a season he’ll be more important.”
Ray Parlour says he would take #LFC’s Salah over #MUFC’s Ronaldo!
Which player would you pick? 🤔 pic.twitter.com/mrzERuS96M
— talkSPORT (@talkSPORT) September 22, 2021
पार्लरले भने,”म सायद सलाह तर्फ झुक्छु। मलाई थाहा छ रोनाल्डोक प्रभाव। सलाहको गोल सङ्ख्या पछिल्ला केहि वर्षमा रोनाल्डो जत्तिकै डरलाग्दो छ। जसले रोनाल्डोलाई आफ्नो उमेरमा प्रिमियर लिगमा केहि नगर्ने शंका गरेका छन्, उनीहरु पागल हुनुपर्छ। मलाई लाग्छ सधैं जस्तो उनले यस पटक पनि ठूलो प्रभाव पार्नेछन्। तर यस सिजनको क्रममा मलाई लाग्छ, सलाह रोनाल्डो भन्दा धेरै महत्वपूर्ण हुनसक्छन्।”
क्रिस्टियानो रोनाल्डो र मोहम्मद सलाह क्रमशः म्यानचेस्टर युनाइटेड र लिभरपुलका लागि महत्वपूर्ण भूमिका खेल्ने छन्।
