एजेन्सी – फ्रान्सेली फरवार्ड करिम बेन्जेमा करिअरकै उच्च लयमा देखिएका छन् । यो सिजन स्पेनिस ला लिगामा ६ खेलमा रियलले गरेको २१ मध्ये १५ गोलमा उनी प्रत्यक्ष सम्लग्न रहेका छन् ।
उनले बुधबार राति रियल मलोर्काविरुद्ध ६–१ को जितमा दुई गोल गर्दै रियलमा आफ्नो २ सयौं गोल पुरा गरेका छन् । ३३ वर्षीय बेन्जेमाले ला लिगामा ६ खेलमा ८ गोल र ७ असिस्ट दिँदै १५ गोलमा प्रत्यक्ष संलग्न छन् ।
एका छन् । यो सिजनमा ६ खेलमा १५ गोलमा संलग्न हुने पहिलो खेलाडी बनेका छन् । यस्तै रियलले १९८७–८८ को सिजनपछि सुरुवाती ६ खेलमा २१ गोल गर्न सफल भएका छन् ।
रियलका मुख्य प्रशिक्षक कार्लाे एन्सेलोटीले सञ्चारकर्मीसँगको कुराकानीमा क्रममा बेन्जेमाको खुलेरै प्रशांसा गरेका छन् । ‘बेन्जेमाले यति धेरै गोल र असिस्ट गरे भन्ने तथ्यले तपाईलाई बिर्सन सक्नुहुन्छ कि गोलसँगै असिस्ट दिन पनि उत्तिकै अब्बल छन् । उनी एक अग्रगामी हुन् । जसले गोल मात्र गर्दैनन् । अर्थात उनी पुर्ण छन् ।’ एन्सेलोटीले भने, जब उनी थकित हुन्छन्, हामी लुका जोभिकलाई ल्याउछौं । किनकि जोभिकले पनि राम्रो गरिरहेका छन् । जोभिकको लागि पनि यो गाह्रो स्थिति हो । उनले बेन्जेमासँगै प्रतिस्पर्धा गर्नुपर्नेछ । बेन्जेमालाई आराम चाहिएको अवस्थामा मात्रै जोभिकले खेल्नेछन् ।’
रियल म्याड्रिड अहिले संक्रमणकालमा छ । किनकि रियल आर्थिक सन्तुलनसँगै युवा खेलाडीको खोजीमा रहेका छन् । रियलको यो हिस्सामा बेन्जेमा एक स्थिर खेलाडी बन्नेछन् । विगतमा ठुला स्टार खेलाडीले क्लब छाडेपनि बेन्जेमासँगै भिनिसियस जुनियर, रोड्रिगो र इडुआर्डाे कामाभिंगाले रियललाई उपाधिको दावेदारको रुपमा उठाउन सक्नेछन् ।
