काठमाडौँ । नारायणहिटी दरबार संग्रहालयभित्र प्रदर्शनमा राखिएको पूर्वराजाको श्रीपेच निकाल्न खोज्ने एकजना पक्राउ परेका छन्।
शुक्रबार दिउसो टिकट का-टेर दरबार संग्रहालय अवलोकनका लागि पुगेका पश्चिम रुकुम मुसिकोटका २५ वर्षीय खेमबहादुर घर्ती पक्राउ परेका हुन्।
‘श्रीपेच आफै लगाउछु, म राजा हुन्छु’ भन्दै बुलेट प्रुफ सिसाभित्र रहेको पूर्वराजाको श्रीपेच निकाल्न खोजेपछि घर्ति नियन्त्रणमा लिईएको हो।
घर्तीले श्रीपेच रहेकै कोठाभित्र सोकेसमा राखिएको खु-कुरी निकालेर सिसा फुटाउन खोजेका थिए ।
सोहि क्रममा उनलाई सुरक्षामा खटिएका सेनाले नियन्त्रणमा लिएर प्रहरीको जिम्मा लगाएको हो।
खबरअनुसार उनको मानसिक अवस्था ठिक नरहेको बुझिएको छ। घर्तिलाई महानगरीय प्रहरी वृत्त दरबारमार्गमा राखेर अनुसन्धान गरिरहेको छ।
