एस्टन भिल्लाका गोलकिपर एमिलियानो मार्टिनेजले आइतबार क्रिस्टियानो रोनाल्डोलाई ९२ औं मिनेटमा ओल्ड ट्राफोर्डमा म्यानचेस्टर युनाइटेडले पाएको पेनाल्टी प्रहार गर्न चुनौती दिएका थिए।
अवे टोलीका लागि केहि समय आगाडी मात्र अग्रता दिलाएपछि एस्टन भिल्लाका कोर्टनी होउजले आरोन वान-बिसाका क्रसमा ह्याण्ड गरेपछि रेफ्रीले रेड डेभिललाई पेनाल्टीको अवसर दिएका थिए। जसपछि आत्मविश्वासले भरिएको मार्टिनेजले रोनाल्डोलाई औंल्याउँदै चिच्याए,”तिमी प्रहार गर!” तर १२ यार्डबाट निकै उत्कृष्ट रेकर्ड रहेका रोनाल्डोले नयाँ क्लबका लागि पेनाल्टी प्रहार भने गरेनन्।
यसको सट्टा, युनाइटेडका नियमित पेनाल्टी लिने गरेका ब्रुनो फर्नान्डेजले पेनाल्टी लिने निर्णय गरे। जसपछि सधैं झै मार्टिनेज मौखिक हुँदै थिए। फर्नान्डेजले आफ्नो नियमित टेकनिक भन्दा फरक टेकनिक अपनाउँदै पेनाल्टी प्रहार गर्दा उनले बललाई पोस्ट भन्दा निकै माथि बल हान्न पुगे। फर्नान्डेजले आफ्नो करियरमा पहिलो पटक पेनाल्टीबाट गोल गर्न चुकेपछि मार्टिनेजले घरेलु समर्थकका अगाडी नाचेका समेत थिए।
Emiliano. Martinez. That's the tweet. pic.twitter.com/471dzOupbX
— Jasper (@JasJustGotIt) September 25, 2021
जसपछि खेलमा कुनै गोल हुन सकेन र एस्टन भिल्लाले १-० को जीत निकाल्दै युनाइटेडलाई लिगको पहिलो हार चखाउन सफल भयो। के अर्को पटकबाट रोनाल्डोले पेनाल्टी प्रहार गर्लान् त ?
