आउँदो वर्षको जुन महिनामा युरोप र दक्षिण अमेरिका च्याम्पियन्स क्रमश: इटाली र अर्जेन्टिना बीच मैत्रीपूर्ण खेल हुने घोषणा भएको छ। इटाली युरो कप २०२० को विजेता बनेको थियो भने अर्जेन्टिनाले कोपा अमेरिका २०२१ उपाधि जित्न सफल भएको थियो।
युईएफए र कोनमेबोलले आफूहरुले विश्वव्यापी खेलको विकासका लागि संयुक्त प्रतिबद्धतामा आफ्नो गठबन्धन विस्तार गर्ने खुलासा गरेका छन्। जस अन्तर्गत नै विश्व फुटबलका दुई मुख्य शासकीय निकायहरुले युरो च्याम्पियन्स र कोपा विजेता बीच एक खेल खेलाउने घोषणा गरेका हुन्। यूईएफएले आफ्नो आधिकारिक वेबसाइटबाट यसको पुष्टि गरेको हो। खेल कुन मैदानमा हुने भन्ने कुरा तय भइसकेको छैन।
“युईएफए र कोनमेबोलले आज आफ्नो विद्यमान सहयोगको विस्तारको साथै युईएफए युरो २०२० विजेता इटाली र कोनमेबोल कोपा अमेरिका २०२१ विजेता अर्जेन्टिना बीचको खेल २०२२ जूनमा (स्टेडियम तय हुन बाँकी) हुने घोषणा गरीएको छ,” प्रकाशित बयानमा लेखिएको छ।
⚽ #EURO2020 winners Italy will meet #CopaAmerica champions Argentina in June 2022.
🤝 The match is part of the cooperation between UEFA and @CONMEBOL, which includes youth and women’s football, futsal, the exchange of referees and technical training schemes.
Full story: ⬇️
— UEFA (@UEFA) September 28, 2021
इटालीलाई यो अवसर इतिहासमा दोस्रो पटक युरोपेली च्याम्पियनसिप जितेको कारण प्रदान गरिएको हो। जुलाईमा भएको फाइनल खेलमा घरेलु टोली इंग्ल्याण्डलाई पेनाल्टी सुट-आउटमा पराजित गर्दै रोबर्टो मान्सिनीको प्रशिक्षणमा रहेको इटाली च्याम्पियन्स बनेको थियो।
यसै बीच अर्जेन्टिनाले आफ्नो १५ औं कोपा अमेरिकाको उपाधि जितेर युरोपको च्याम्पियन्स विरुद्ध भिड्ने मौका पायो। २८ वर्षपछि प्रमुख प्रतियोगिताको उपाधि जितेको लिओनेल स्कोलानीको टोलीले फाइनल खेलमा घरेलु टोली ब्राजिललाई १-० लि पराजित गर्दै उपाधि हात पारेको थियो।
