एजेन्सी – चलचित्र केदारनाथबाट बलिउडमा पाइला टेकेकी नायिका सारा अली खान प्राय चर्चामा हुन्छिन्। पहिलो चलचित्रबाटै दशकको मनमा ठाउँ बनाउन सफल भएकी सारा सामाजिक संजालमा पनि सक्रिय छिन्। इन्स्टाग्राममा मात्रै उनका ३ करोड ५५ लाख भन्दा बढी फ्लोवर्स छन्।
सारा अभिनयका अलावा घुम्न पनि मन पराउँछिन्। सारा सामाजिक संजालमा प्राय घुमघामका तस्विरहरु सार्वजनिक गर्नेगर्छिन्। ती तस्विरहरुले सामाजिक संजालमा लाखौ लिक पाउने गरेका छन्।
पछिल्लो समय सारा राजस्थान यात्रामा छिन्। उनी छुट्टि मनाउन राजस्थानको उदयपुर पुगेकी हुन्। सारा राजस्थानमा हुँदाका कयौं तस्विरहरु यतिबेला सामाजिक संजालमा देखापरिरहेका छन्।
सामाजिक संजालमा देखापरेको एक तस्विर चर्चामा आएको छ। चर्चामा आएको उक्त तस्विरमा सारा रोटी पकाउँदै देखिएकी छन्। कुर्तामा सुन्दर देखिएकी सारा रोटी पकाउँदै गरेको देखेर धेरैलाई अचम्म लागिरहेको छ।
घुम्न धेरै मनपराउने सारा राजस्थान अगाडी माल्दिभ्स र लद्दाख गएकी थिइन्। उनको साथमा नायिका राधिका मदान पनि गएकी थिइन्। साराले त्यसक्रमका तस्विरहरु सामाजिक संजालमा शेयर गरेकी थिइन्।
कामको कुरा गर्नुपर्दा सारा पछिल्लो पटक चलचित्र कुली नं १मा देखा परेकी थिइन्। चलचित्रले खासै कमाल गर्न सकेन। सारा छिट्टै चलचित्र अतरंगीमा देखा पर्दैछिन्। चलचित्रमा उनका आलावा अक्षय कुमार र धनुष पनि मूख्य भूमिकामा हुनेछ्न्।
