दशैं सकिए लगत्तै बढ्न थाल्यो सुनको भाउ, आज ४० दिन यता कै महँगो !

नेपाली बजारमा आज सुनको मूल्य प्रतितोला रु एक सयले बढेर ९१ हजार ४०० कायम भएको छ । छापावाल सुन सोमबार प्रतितोला रु ९१ हजार ३०० मा कारोबार भएको थियो ।

नेपाल सुनचाँदी व्यवसायी महासङ्घले अन्तरराष्ट्रिय बजार मूल्यका आधारमा नेपालमा दैनिक सुन तथा चाँदीको कारोबार मूल्य तोक्ने गर्छ । महासङ्घले सार्वजनिक गरेको तथ्याङ्कानुसार आज तेजाबी सुन प्रतितोला रु ९० हजार ९०० मा कारोबार हुनेछ जुन सोमबार प्रतितोला रु ९० हजार ८०० मा कारोबार भएको थियो ।

सुन ४० दिन यताकै महँगो

बुधबार कायम भएको सुनको मूल्य गत भदै २२ गते यता कै सबैभन्दा सस्तो रहेको छ। त्यसदिन छापावाला सुनको भाउ ९१ हजार ४ सय र तजाबी सुनको मूल्य ९० हजार ९ सय कायम भएको थियो। जसपछिका कुनै दिन पनि सुनको मूल्य आजको विन्दुमा पुगेको थिएन।

महासङ्घका अनुसार आज चाँदीको मूल्य सोमबारको तुलनामा प्रतितोला रु १० ले बढेर एक हजार २३५ पुगेको छ । चाँदी सोमबार प्रतितोला रु एक हजार २२५ मा कारोबार भएको थियो । नेपाल सुनचाँदी तथा रत्न आभुषण व्यवसायी महासंघका अध्यक्ष रमेश महर्जनको असामयिक निधनको शोकमा मङ्गलबार सुनचाँदी व्यवसायीले कारोबार बन्द गरेका थिए ।

प्रकाशित : बुधबार, कार्तिक ०३, २०७८१२:२८

आज ह्वात्तै बढ्यो सुनको भाउ, कति पुग्यो ?