विगत सात दिनमा लियोनार्डोबाट आश्वासनको शब्दहरूको बावजुद, पेरिस सेन्ट-जर्मेनमा अहिले निकै ठूलो समस्या रहेको छ किनभने क्लबले निकै महँगो रकम तिरेर जम्मा गरिएको टोली बुधबार नाइससँग ०-० को बराबरीमा रोकियो।
किलियन एमबाप्पे र लियोनेल मेस्सी दुबै स्टार खेलाडीलाई समावेश गर्दै निकै बलियो सुरुवाती ११ का साथ मैदानमा उत्रिएको माउरिसियो पोचेटिनोको टोलीले पुन: राम्रो प्रदर्शन गर्न सकेन। पीएसजीका लागि नाइसको रक्षात्मक लाइन तोड्न लगभग असम्भव साबित भयो। क्यास्पर डोल्बर्गले खेलको पहिलो मौका पाएका थिए। उनले बक्सको छेउबाट गोलका लागि गरेको शट जियानलुइगी डोनारुम्माको उत्कृष्ट बचाउ गरेका थिए।
शुरुवाती १५ मिनेटमा पीएसजीले बलमा ८१ प्रतिशत पकड जमाएको थियो। नाइसले एक अंक लिनको लागि स्पष्ट रूपमा सेटअप गरेको थियो जसको कारण पनि एमबाप्पेले २० मिनेट पछि भिजिटरलाई लगभग दण्डित गर्न सफल भएका थिए। जसपछि पहिलो हाफमा पीएसजीले राम्रो प्रदर्शन गर्न सकेन।
एन्जल डि मारिया र नुनो मेन्डेस दुबै गोलका नजिक आउँदै बेनिटेजबाट बचाउन बाध्य पार्दै पीएसजीले दुई टोली बीच बलियो दोस्रो हाफको सुरुवात गर्यो, तर हामीले मेस्सीको आगमनसँगै वाचा गरिएको स्वतन्त्र फुटबल देख्न सकेनौं। अन्तत: खेल गोलरहित बराबरीमा सकियो। बराबरीसँगै पीएसजी लिगको शीर्ष स्थानमा १२ अंकको अग्रता लिन सफल भएपनि टोलीको प्रदर्शन भने चित्त बुझ्दो रहेको छैन। जसको कारण आगामी समयमा विशेषगरी च्याम्पियन्स लिगको नक-आउट आउँदै गरेकोले क्लबको चिन्ता बढ्न सक्छ।
