जियानलुइगी बुफोनले दाबी गरेका छन् कि क्रिस्टियानो रोनाल्डोको आगमन पछि युभेन्टसले आफ्नो ‘डीएनए’ गुमाएको छ। उनले पोर्चुगिज दिग्गजको कार्यकालमा किन युभेन्टस युरोपमा सफल भएन भनेर पनि प्रतिबिम्बित गरेका छन्।
सन् २०१५ र २०१७ मा फाइनलसम्म प्रवेश गरेपनि पराजित भएपछि इटालियन महारथीले २०१८ मा रियल म्याड्रिडबाट मिस्टर च्याम्पियन्स लिग क्रिस्टियानो रोनाल्डोलाई अनुबन्ध गर्यो। यद्यपि, रोनाल्डोले जुभसँग दुई पटक सेरी ए जित्दा, इटालियन क्लब युरोपको शीर्ष प्रतियोगितामा उनको कार्यकालमा एक पटक पनि सेमी-फाइनलसम्म पनि पुगेन। र यसै सिजन मात्र म्यानचेस्टर युनाइटेडसँग आवद्ध हुनु अघि गत सिजन रोनाल्डोको युभेले चौथो स्थानम लिगको समाप्ति गर्यो।
रोनाल्डोको पहिलो सिजनमा बुफोन युभेन्टसको ड्रेसिङ रुममा थिएनन्, तर २०१९ मा पेरिस सेन्ट जर्मेनबाट फर्केका थिए। यस्तोमा, उनले टुरिन संगठन युरोपको शिखरमा किन नपुगेको भन्ने विषयमा आफ्नो फैसला राय राखेका छन्। “युभेन्तसले उनको पहिलो सिजनमा च्याम्पियन्स लिग जित्ने मौका पाएको थियो जब म पेरिस सेन्ट-जर्मेनमा थिएँ, र मैले के भयो थाहा पाउन सकिन,” उनले युभेन्टस क्वार्टर-फाइनलमा आज्याक्ससँग पराजित हुँदै बाहिरिएको सम्बन्धमा TUDN.com लाई भने, ‘जब म फर्किएँ, मैले रोनाल्डोसँग दुई वर्ष बिताएँ र हामीले सँगै राम्रो गर्यौं, तर मलाई लाग्छ युभेन्टसले एकजुट भएर खेल्ने टोली भएको त्यो डीएनए गुमायो।”
“हामी २०१७ मा च्याम्पियन्स लिगको फाइनलमा पुग्यौं किनभने हामी अनुभवले भरिएको टोली थियौं, तर सबै भन्दा माथि हामी एकजुट थियौं र टोली भित्रका स्थानहरूको लागि प्रतिस्पर्धा थियो जुन धेरै बलियो थियो। तर रोनाल्डोको आगमनले हामीले त्यो गुमायौं,” उनले भने।
