म्यानचेस्टर युनाइटेडका मिडफिल्डर फ्रेडले आफूले विगतमा पेरिस सेन्ट जर्मेनका सुपरस्टार लियोनल मेस्सीलाई क्रिस्टियानो रोनाल्डोको तुलनामा माथि राख्ने गरेको तर अहिले आफ्नो सोच परिवर्तन भएको बताएका छन्।
रोनाल्डो र मेस्सीले एक दशकभन्दा बढी समयदेखि फुटबलको सबैभन्दा प्रतिष्ठित व्यक्तिगत अवार्डमा प्रभुत्व जमाउँदै आएका छन्। दुबैले पछिल्लो १३ बालोन डी’ओर मध्ये १२ वटा अवार्ड जितेका छन्, जसमा लुका मोड्रिचले २०१८ मा यो प्रवृति तोड्ने एक मात्र व्यक्ति थिए। रोनाल्डो र मेस्सीबीचको प्रतिद्वन्द्वीले प्रशंसक, पण्डित र खेलाडीहरूबीच वर्षौंदेखि बहस चर्काएको छ। कसै-कसैले ती दुई मध्ये को राम्रो हो भन्ने बारे आफ्नो मन पनि परिवर्तन गरेका छन् र म्यानचेस्टर युनाइटेडका स्टार फ्रेड तिनीहरूमध्ये हुन्।
ब्राजिलियनले पहिले अर्जेन्टिनाको खेल शैलीका कारण रोनाल्डोभन्दा मेस्सीलाई प्राथमिकता दिने गरेको स्वीकार गरेका छन्। यद्यपि, ३७ वर्षीयासँग ड्रेसिङ रुम सेयर गरेपछि फ्रेडले आफ्नो अडान परिवर्तन गर्न बाध्य भए। उनले TNT स्पोर्ट्स ब्राजिललाई [म्यानचेस्टर इभिनिंग न्युज मार्फत] भने: “मैले सधैं मेस्सी भनेको थिएँ, उनको खेल्ने शैली मलाई मनपर्छ। तर क्रिस्टियानोसँग खेलेपछि, म उनले आफ्नो फुटबल जीवनको हरेक पक्षमा गर्ने कामको मात्रा नजिकबाट देख्न सक्छु। मैदानमा उनी सधैं सही स्थानमा सही समयमा हुन्छन्। कुनै पनि खेल आफ्नो पक्षमा पार्न सबैभन्दा सक्षम खेलाडी हुन् रोनाल्डो। त्यसैले, अहिले म मेस्सी भन्दा पनि रोनाल्डोलाई रोज्छु।”
फ्रेडले यो सिजन म्यानचेस्टर युनाइटेडका लागि सबै प्रतियोगितामा रोनाल्डोसँग २० खेल खेलिसकेका छन्। मिडफिल्डर-फरवार्ड जोडीले रेड डेभिल्सका लागि एक गोलमा संलग्न भएका छन्।
