इजिप्ट अन्तर्राष्ट्रिय स्टार मोहम्मद सलाह म्यानचेस्टर युनाइटेडमा क्रिस्टियानो रोनाल्डोको पारिश्रमिकसँग मेल खाने पारिश्रमिक वृद्धिको माग नगर्ने निर्णय गरेपछि लिभरपुल पूर्व रोमा फरवार्डसँग सम्झौता नवीकरण गर्न नजिक पुगेको छ।
लिभरपुलमा सलाहको हालको सम्झौता २०२३ मा सकिँदैछ र लिभरपुल स्टारले अर्को चार सिजनसम्म रहन सक्ने सम्झौतामा हस्ताक्षर राख्ने अपेक्षा गरिएको छ। पछिल्लो केही समयमा सलाहसँग पारिश्रमिकको कुरा नमिल्दा लिभरपुलमा यसै सिजनको अन्त्यपछि सलाहलाई बेच्नु पर्ने होकी भन्ने खैला-बैला मच्चिएको थियो।
यसअघि, सालाहले प्रति हप्ता ४००,००० पाउन्ड पारिश्रमिकको अस्वीकार गरेका थिए। उनले क्लबसँग हप्ताको आधा मिलियन पाउन्ड माग गर्दै आएका थिए। यद्यपि, मिररका अनुसार, इजिप्टियन फरवार्ड अब आफ्ना मागहरू घटाएर लिभरपुलको नयाँ सम्झौतातर्फ लागेका छन्। पेरिस सेन्ट-जर्मेन र बार्सिलोना लगायत धेरै युरोपेली एलिट क्लबहरू गर्मीमा सलाहको लागि सम्भावित कदमसँग जोडिएका थिए।
यद्यपि, लिभरपुल स्टारले अफ्रिका कप अफ नेसन्स जित्न असफल भएपछि र २०२२ को विश्वकपमा छनोट हुन नसकेपछि क्लब र मुख्य प्रशिक्षक जर्गेन क्लोपले उनलाई प्रस्ताव गरेको समर्थनलाई कथित रूपमा स्वीकार गरेका छन्।
