पेरिस सेन्ट जर्मेन (पीएसजी) स्टार किलियन एमबाप्पे अर्को समरमा रियल म्याड्रिडको खेलाडी हुने पुष्टि हुन मात्र बाँकी रहेको धेरैको बुझाई रहेको छ। तर फ्रान्सेली स्टार भने आफ्नो भविष्यको बारेमा मिश्रित संकेतहरू पठाउन कटिबद्ध देखिन्छन्।
गयराती एम्बाप्पे र नेय्मार्को दुई-दुई र मेस्सीको एक गोलको मद्दतमा पीएसजीले लोरिएन्टलाई ५–१ ले हरायो। खेलपछि सबै शान्त तरिकाले सबै कुरा समापन हुने जस्तो देखिन्थ्यो तर पुन: फुटबल जगत हल्लाउन एम्बाप्पे आइपुगे। जब उनी अमेजन प्राइमसँग कुरा गर्दै थिए, उनलाई पीएसजीमा उनको भविष्यको बारेमा सोधिएको थियो जसमा एम्बाप्पेले पुन: एकपटक संसार हल्लाउने उत्तर दिए।
मार्काका अनुसार एम्बाप्पे रियल म्याड्रिड जाने बाटोमा छन्। उनी अर्को गर्मीमा रियल म्याड्रिड खेलाडी बन्नेछन् भन्ने मार्काले बुझेको छ तर २३ वर्षीय स्टारको नयाँ कथनहरूले सबैलाई भ्रमित पारेका छन्। एमबाप्पेलाई क्लबमा रहन मनाउनको लागि नासेर अल-खेलाफीले अझै पनि आफ्नो शक्तिमा रहेको सबै गरिरहेको देखिन्छ।
आफ्नो बयानमा, फ्रान्सेली स्टारले आफ्ना शब्दहरूले सबैलाई यो बुझाउन खोजेको जस्तो देखिन्थ्यो कि फ्रान्सेली टोलीमा विश्व विजेता स्टारको सम्झौता नवीकरण गर्नका लागि वार्ता जारी रहेको छ। फ्लोरेन्टिनो पेरेजले पक्कै पनि रियल म्याड्रिडका समर्थकहरूलाई भ्रमित पार्न सक्ने यस्ता क्षणहरूको कदर गर्दैनन् तर यो साँचो नहुन पनि सक्छ भन्ने विश्वास गर्ने राम्रो कारण छ।
https://twitter.com/i/status/1510737977114255367
आइतबार लोरिएन्ट विरुद्ध पीएसजीको जितपछि एमबाप्पेले अमेजन प्राइमलाई भने, “त्यहाँ नयाँ तत्वहरू छन्, धेरै कारकहरूलाई ध्यानमा राख्नु पर्छ। मैले भनेझैं, यो सजिलो निर्णय होइन। म उत्कृष्ट निर्णय बनाउने प्रयास गर्दैछु। मैले सकेसम्म राम्रो निर्णय गर्न मेरो समय लिइरहेको छु। यदि मैले मेरो निर्णय गरेको भए, म यो घोषणा गर्ने थिएँ। पीएसजीमा रहन सम्भव छ? पक्कै पनि, सम्भव छ।”