पेरिस सेन्ट-जर्मेन (पीएसजी) फरवार्ड नेयमारले गत महिना उनको आलोचना गर्ने फ्रान्सेली पत्रकारलाई जवाफ दिने क्रममा लोरिएन्ट विरुद्ध आफ्नो सनसनीपूर्ण एकल गोल गर्दा आफू “र-क्सी खाएर मात्तेको” अवस्थामा रहेको ठट्टा गरेका छन्।
नेयमार र एम्बाप्पे दुबैले दुई-दुई गोल र लियोनल मेस्सीले एक गोल गरेपछि पीएसजी आइतबार लोरिएन्टलाई ५-१ ले पराजित गर्दै लिग १ उपाधि पुन: जित्ने नजिक पुगेको छ। घरेलु टोलीका हरेक गोल मनमोहक थिए, तर नेयमारको दोस्रो गोल सबैभन्दा उत्कृष्ट रह्यो।
आरएमसी रेडियो रिपोर्टर ड्यानियल रियोलोले मार्चमा नेयमार “प्रशिक्षणको लागि र-क्सी खाएर मातेको अवस्था” मा आउने भनेर दाबी गर्दै चर्चामा आएका थिए। जसपछि लियोनका स्टार लुकास पक्वेटा आफ्नो ब्राजिल अन्तर्राष्ट्रिय टोली साथीलाई सार्वजनिक रूपमा रक्षा गर्न आएका थिए। नेमारले लोरिएन्ट खेल पछि आफैं प्रतिक्रिया नदिई बस्न सकेनन्, ३० वर्षीयाले सामाजिक सञ्जालमा कसरी आफ्नो दोस्रो गोल गर्न सफल भयो भनेर व्याख्या गरे।
“म ‘मात्तेको’ थिएँ, त्यसैले यसले काम गर्यो … तिनीहरूले यही भन्छन्,” नेयमारले आफ्नो इन्स्टाग्राम स्टोरीमा उक्त गोलको भिडियोका साथ क्याप्सनमा लेखे।
