यूईएफए युरोपा लिगको क्वाटरफाइनलको दोस्रो लेगमा बिहीबार एफसी बार्सिलोनाले इनट्राक्ट फ्रान्कफर्टसँग प्रतिस्पर्धा गर्दैछ। पहिलो लेगमा ड्युश बैंक पार्कमा १-१ गोलको बराबरी खेलेपछि सेमिफाइनलको टिकट बुक गर्न क्याटालान्सलाई जित आवश्यक हुनेछ। तर जर्मन क्लबको अवे रेकर्ड हेर्ने हो भने जाभी र उनको टोलीका लागि यो कठिन हुनेछ।
बार्सिलोनाका मुख्य प्रशिक्षकले पहिलो लेगमा सर्जिनो डेस्ट, अन्सु फाटी, मेम्फिस डेपे लगायतका पहिलो टोलीका स्टारहरु मैदानमा उतार्न सकेका थिएनन् भने जेरार्ड पिके प्रारम्भिक चोटले बाहिरिएका थिए। तर यस हप्ताको सुरुमा रिपोर्टहरूका अनुसार जाभीलाई आजको खेलमा पिके र मेम्फिस दुवैको फिर्तीले बढावा दिनेछ। ती रिपोर्टहरू हेलेना कन्डिस इडो द्वारा पुष्टि भएको छ, जसले डेस्ट, मेम्फिस र पिके सबै यस हप्ताको प्रशिक्षणमा फर्केका छन्, जसको मतलब उनीहरु ईन्ट्राक्ट फ्रान्कफर्टको विरुद्धको खेलमा उपस्थित हुन सक्छन्।
लेभान्टे विरुद्धको सप्ताहन्तको खेलमा रक्षात्मक दृढताको अभाव भएको जाभीको लागि यसले ठूलो राहत दिनेछ। पिकेको फिर्ताले तिनीहरूलाई ब्याकलाइन बलियो बनाउन मद्दत गर्न सक्छ। डेस्टको फिर्तीको लागि पनि यही भन्न सकिन्छ, जो अल्भेसको अयोग्यताका कारण उपलब्ध प्राकृतिक एक मात्र राइट-ब्याक हुन सक्छ।
मेम्फिस, यसैबीच, बिहीबार सुरुवाती ११ मा नहुन सक्छन्। तर उनको फिर्तीले जाभीको टोलीको बेन्च मजबूत हुने पक्का रहेको छ। जुन उपयोगी हुन सक्छ यदि पियरे-एमरिक औबामेयाङ र एडमा ट्राओरेले पहिलो लेगमा जस्तै फेरी फितलो प्रदर्शन गरेको खण्डमा।
वास्तवमा, पिके मात्र तीन मध्ये एक ग्यारेन्टी स्टार्टर हुन सक्छन्, तर सिजन यस्तो महत्त्वपूर्ण मोडमा अन्य दुई खेलाडीको पुनरागमन बार्सिलोनाका लागि धेरै लाभदायक हुनेछ, किनकि उनीहरू ला लिगामा शीर्ष दुईमा आफ्नो स्थान पक्का गर्ने लक्ष्यमा छन्। यसका साथै युरोपा लिग उपाधि जित्दै यस सिजन उपाधि बिहिन नहुने सोचमा पनि हुनेछन्।
