मेष राशि
प्रेम सम्बन्ध र दाम्पत्य जीवनमा मतभेद उत्पन्न हुनसक्छ। पैसाको कारणले आफन्त र नजिकका व्यक्तिसँगको सम्बन्धमा समस्या आउनसक्छ। वर्षको अन्त्यमा भने प्रेम सम्बन्ध सुमधुर हुने सम्भावना देखिन्छ। नव दम्पतीका लागि सन्तान सुख मिल्ने सम्भावना पनि रहेको छ।
वृष राशि
प्रेमी वा प्रेमीकाको सम्बन्ध कायम राख्न सहनशीलता राख्नु पर्नेछ। विपरीत लिंगी प्रति आकर्षण बढ्नेछ। आफ्नो कामको सिलसिलामा घर परिवारबाट टाढा हुनु पर्ने बाध्यता आउनसक्छ।
मिथुन राशि
सम्बन्धको हिसाबले यो वर्ष राम्रो नरहला। नयाँ सम्बन्ध स्थापना नगर्नु नै राम्रो होला। प्रेम र मित्रताको सम्बन्धमा खटास आउनसक्छ। साथै पुरानो र नयाँ सम्बन्धमा मनमुटाव आउनेछ।
कर्कट राशि
यो वर्ष प्रेममा रहेका मानिसले आफ्नो सम्बन्धलाई विवाहमा परिणत गर्न सक्छन् र नयाँ प्रेम सम्बन्धलाई घर परिवारको समर्थन रहन्छ। घरपरिवारसँग सम्बन्ध पनि बलियो नै हुनेछ।
सिंह राशि
पतिपत्नी वा प्रेमी प्रेमिकाका बीच समझदारी बढ्दा सम्बन्ध अझै प्रगाढ हुनेछ। शत्रु परास्त हुनेछन्। वर्षको उत्तरार्धमा नयाँ प्रेम सम्बन्धमा नपरेकै राम्रो हुनेछ, अन्यथा विवाद बढ्न सक्छ। कार्य क्षेत्रका भने सहकर्मीसँग मनमुटावको स्थिति उत्पन्न हुनसक्छ।
कन्या राशि
प्रेम सम्बन्ध पहिलाको भन्दा अझ मजबूत हुनेछ। साउन महिनामा नयाँ व्यक्तिसँग नयाँ सम्बन्धको सुरुवात हुन सक्छ। आफन्त, दाजुभाइ तथा घरपरिवारसँगको विवाद पनि पूर्ण रूपमा समाधान हुँदा पारिवारिक वातावरण निकै सुखमय रहनेछ।
तुला राशि
दाम्पत्य जीवन तथा प्रेम सम्बन्धमा मनमुटावको स्थिति उत्पन्न हुनसक्छ। प्रेम सम्बन्धलाई विवाहमा परिणत गर्न पनि कठिन हुनसक्छ। नयाँ प्रेम सम्बन्ध स्थापना यो समय नगरेकै राम्रो होला।
वृश्चिक राशि
प्रेम सम्बन्धको बारेमा कुरा गर्दा यो वर्ष सामान्य रहने देखिन्छ। यस वर्ष प्रेम सम्बन्धलाई विवाहमा परिणत गर्न सकिन्छ। दाम्पत्य जीवन पनि यो समयमा सुखमय नै रहनेछ।
धनु राशि
यो वर्ष प्रेम सम्बन्ध अझ बलियो भएर जानेछ। हरेक सम्बन्ध निकै कसिलो हुनेछ। प्रेम सम्बन्धलाई विवाहमा परिणत समेत हुन सक्छ। पारिवारिक वातावरण भने त्यति सुखमय नरहला। दाम्पत्य जीवनमा मनमुटावको स्थिति उत्पन्न हुनसक्छ।
मकर राशि
यो वर्षको ग्रहहरुको स्थितिलाई हेर्दा मकर राशिका मानिसलाई प्रेम प्रसङ्गका लागि मध्यम नै रहनेछ। पुराना प्रेमी जोडीहरूको सम्बन्ध सुमधुर हुँदै पारिवारिक समर्थन मिल्नेछ। दाम्पत्य जीवनमा भने आर्थिक असमझदारीले दूरी बढ्न सक्नेछ।
कुम्भ राशि
२०७९ साल प्रेमको हिसाबले राम्रो रहनेछ। नयाँ प्रेम सम्बन्ध स्थापित गर्न सकिन्छ, तर प्रेम सम्बन्धलाई परिवारले समर्थन नगर्न पनि सक्छन्। पारिवारिक सम्बन्ध राम्रो हुँदा वातावरण सकारात्मक हुनेछ।
मीन राशि
प्रेम र मित्रताको बन्धन सामान्य रहनेछ। पुराना मित्रसँग गोपनीय ढंगले सामीप्यता बढ्नेछ। दाम्पत्य जीवनमा समझदारी कायम रहनेछ। वाणीमा संयम राख्न आवश्यक देखिन्छ, अन्यथा जुनसुकै सम्बन्ध पनि बिग्रन सक्छ।
