मर्सीसाइडमा दैनिक जीवनमा लिभरपूल र एभर्टनबीचको प्रतिद्वन्द्विता रहन्छ र रिचार्लिसनले शुक्रबार बिहानको प्रारम्भिक घण्टामा रेड्सका दिग्गज खेलाडी जेमी क्यारागरलाई कडा प्रहार गर्दै टोफिजका फ्यानहरूका लागि आफूलाई अझ प्रिय बनाएका छन्।
रिचार्लिसन गुडिसन पार्कमा फ्यानहरुका सबैभन्दा मनपर्ने खेलाडीहरु मध्ये एक हुन् र ब्राजिलियन स्टारले लिभरपूलका पूर्व डिफेन्डरलाई लक्ष्य गर्दा क्लबमा आफ्नो प्रतिष्ठालाई कुनै हानी हुने कुरा नै थिएन।
क्रिस्टल प्यालेसमाथि नाटकीय पुनरागमनमा गोल गर्दै एभर्टनलाई २०२२/२३ प्रिमियर लिग सिजनमा आफ्नो स्थान सुरक्षित गर्न मद्दत गरेपछि ब्राजिलियनले ट्विटरमा ०१:३७ मा केही शब्दहरू पूर्व लिभरपुल डिफेन्डरका लागि लेखेका छन्। “मेरो र एभर्टनको बारेमा कुरा गर्नु अघि आफ्नो मुख धुनुहोस् र म तपाईंलाई सम्मान गर्दिन,” रिचार्लिसनले लेखे।
आखिर किन यसो गरे त रिचार्लिसनले ?
फुटबल जगतमा कुनै पनि क्लबको प्रतिद्वन्द्वीका दिग्गज खेलाडीहरु मध्ये एकसँग शब्दहरूको युद्ध सुरु गर्नु तपाईंको आफ्नै फ्यानहरूको स्नेह जित्नको लागि नराम्रो तरिका होईन। तर ब्राजिलियन स्टारले यो युद्ध आफैं सुरु गरेका भने हैनन्। यो सम्भव छ कि रिचार्लिसनको ट्वीट उनको बारेमा क्यारागरले गरेको टिप्पणीहरूको प्रतिक्रिया थियो।
@Carra23 wash your mouth before you talk about me and everton and I don’t respect you 💩
— Richarlison Andrade (@richarlison97) May 20, 2022
हालैको मर्सीसाइड डर्बीमा एभर्टनका नम्बर ७ को व्यवहार क्यारागरलाई पचेन, जसले लिभरपुलमा हुर्किँदा टफीहरूलाई समर्थन गरेको भनेर चिनिन्छ। “इमान्दारीपूर्वक, उठ्नुहोस्, हरेक हप्ता म उनलाई त्यसरी खेलिरहेको देख्छु,” क्यारागरले रिचार्लिसन चोटको साथ मैदानमा लडेको देख्दा भनेका थिए, “उठ्नुहोस्, अगाडि बढ्नुहोस्। उनी पहिले नै तीन पटक मैदानमा लडिसक्नु भयो, [त्यहाँ] केहि भएको नै छैन।”
सायद एभर्टन फरवार्डले पूर्व लिभरपुल स्टारलाई सोही शब्दका जवाफ दिएका हुन्।
