एजेन्सी -प्रिमियर लिग क्लबका प्रशिक्षक योर्गेन क्लोप उत्कृष्ट प्रशिक्षक घोषित भएका छन्। बेलायतका विभिन्न लिगहरुका विभिन्न प्रशिक्षकहरुलाई पछि पार्दै क्लोप उत्कृष्ट प्रशिक्षक घोषित भएका हुन्।
लिग प्रबन्धक संघले हरेक वर्ष प्रदान गर्दै आएको उत्कृष्ट प्रशिक्षकको अवार्ड क्लोपलाई दिइयो। लिग प्रबन्धक संघले बेलायतका प्रिमियर लिग, च्याम्पियनसिप, लिग वान र लिग टुका क्लबहरुका प्रशिक्षकहरु मध्येबाट एक प्रशिक्षकलाई हरेक वर्ष उत्कृष्ट प्रशिक्षकको अवार्ड दिने गर्छ। सो अवार्डका लागि चारै लिगका प्रशिक्षकहरुले भोट गर्छन्।
यस वर्ष प्रिमियर लिगमा दोस्रो भएको लिभरपुलका क्लोपले सो अवार्ड प्राप्त गरे। सो अवार्ध हात पार्नेक्रममा क्लोपले म्यानचेस्टर सिटीका पेप गार्डियोला, न्यूकासलका एडी होवे, लुटन टाउनका नाथन जोन्स, र वेस्ट ह्यामका डेभिड मोयेसलाई पछि पारे।
प्रिमियर लिगमा लिभरपुलले अन्तिम खेल सम्म उपाधिका लागि प्रतिष्पर्धा गरेको थियो। प्रिमियर लिगमा लिभरपुलले मात्रै दुई खेलमा पराजय भोग्यो। प्रिमियर लिग जित्न नसकेपनि लिभरपुलले एफए कप र कराबाओ कप भने जित्न सक्यो।
त्यस्तै लिभरपुल च्याम्पियन्स लिगको फाइनलमा पनि छ। च्याम्पियन्स लिगको फाइनलमा लिभरपुलले आउने केहि दिनमा स्पेनिस महारथी रियल म्याड्रिडको सामना गर्दैछ।
