ग्रीष्मकालीन विश्रामले फुटबलरहरूलाई धेरै राहत प्रदान गरेको छैन, किनकि अधिकांशसँग फिफा विश्वकप २०२२ अघि पूरा गर्ने अन्तर्राष्ट्रिय प्रतिबद्धता रहेको थियो। अब विश्वकप सुरु हुन ५ महिनाभन्दा कम समय बाँकी रहँदा हरेक टोलीहरू पहिले नै आफ्नो अन्तिम संयोजनमा पुग्न खोजिरहेका छन्।
कतार विश्वकपका लागि युरोपेली देशहरू स्पेन, जर्मनी र फ्रान्स जस्ता प्रमुख दाबेदार राष्ट्र छन् भने दक्षिण अमेरिकाबाट अर्जेन्टिना र ब्राजिल बलियो दाबेदार हुन्। हंगेरीसँग ४–० ले पराजित भएपछि विश्वकपको तयारीमा इंग्ल्याण्डलाई ठूलो धक्का लागेको छ। ग्यारेथ साउथगेटको जागिर शंकाको घेरामा परेको छ, तर उनलाई विश्वकप अघि बर्खास्त गर्ने सम्भावना छैन।
यसबाहेक, इङ्गल्याण्डलाई इरान, संयुक्त राज्य अमेरिका र वेल्ससँगै कठिन समूहमा राखिएको छ। धेरै टोलीहरूले विगतमा इरानको डिफेन्स तोड्न संघर्ष गरेका छन्, जबकि ग्यारेथ बेलको नेतृत्वमा वेल्स कुनै पनि टोलीलाई आश्चर्यचकित पार्न सक्षम छन्।
यस्तोमा, विश्लेषकले विजेताको भविष्यवाणी गर्न एल्गोरिदम बनाएका छन्, जसअनुसार इङ्ल्यान्डले प्रतियोगिता जित्ने सम्भावना ८ प्रतिशत मात्रै छ। अर्कोतर्फ, अर्जेन्टिनालाई राउन्ड अफ १६ मा पुग्न सजिलो बाटो देखिन्छ, समूह चरणमा साउदी अरेबिया, पोल्याण्ड र मेक्सिको रहेका छन्। उनीहरूले भर्खरै इटालीलाई फिनालिसिमामा हराएर मेस्सीको नेतृत्वमा रहेको टोलीको दोस्रो अन्तर्राष्ट्रिय ट्रफी जितेका थिए। लियोनल मेस्सीका लागि फिफा विश्वकप जित्ने यो अन्तिम मौका हुन गइरहेको छ, र विश्लेषकले उनीहरूलाई ट्रफी उचाल्ने आठौं दाबेदारको रूपमा दर्जा दिएका छन्।
डिफेन्डिङ च्याम्पियन फ्रान्स यस वर्षको प्रतियोगिताको लागि पनि स्पष्ट आउटलियरको रूपमा उभिएको छ र लगातार दोस्रो पटक प्रतियोगिता जित्ने १७.९३% मौका छ। तर त्यसभन्दा तल ब्राजिलको कतारमा १५.७३% मौका छ। तर, डिडियर डेसच्याम्प्सका खेलाडीले पछिल्ला चार खेल जित्न सकेका छैनन्। फ्रान्स र ब्राजिल बाहेक, स्पेन १०% भन्दा बढीको विजयी मौका प्रतिशत भएको एक मात्र टोली हो। समुह ‘इ’ मा जर्मनी, कोस्टारिका र जापानसँगै रहेका छन्।
२०२२ को विश्वकप जित्नका लागि शीर्ष आठ राष्ट्रहरू यस्ता छन्:
१. फ्रान्स – १७.९३%
२. ब्राजिल – १५.७३%
३. स्पेन – ११.५३%
४. इङ्गल्याण्ड – ८.०३%
५. बेल्जियम – ७.९०%
६. नेदरल्याण्ड्स – ७.७०%
७. जर्मनी – ७.२१%
८. अर्जेन्टिना – ६.४५%
